KILI’ICH K’ÁAK’ YAAMIL

Kili’ich k’áak’ yaamil
yéetel yaajkunaj ka loobkunsik
u taamil u ts’u’ in wóol
bejla’e’ mina’an a ko’il
ts’o’oks jumpuli’ wáa a k’áat,
jat u nook’ le ilbáa.

Lu’ulukint in wooxel
Síibil yaj,
o’olki k’aab a kilich mach
ts’áaik kuxtal mina’an u xuul
tuláakal síipil ka bo’otik;
yéetel k’iimil, kíimil ich kuxtal ta k’eexa’.

K’áak’ ch’uyub sáaso’ob
ti’ u juulo’ob
ich áaktun taamil na’ato’ob
tu’ux éek’joch’e’en yéetel ch’óop ka’achi’
yéetel jela’an yaabilil
k’iinalil yéetel juul ka ts’áake’ex ti’ u yaakun.

Jach ya’ab a yaamail
ka k’a’ajsik tin jobnel
tu’ux mukul yaanech
ti’ a ki’ki’ ch’a’ iik’tik
yutsil kuxtal,
ti’ yaan in yaakunaj teechi’.