JAKKIR MUNASIÑ NINA

¡Ay jakkir munasiñ nina,
ajayujan taqit manqha chuymap
munasiñamp usuchjiri!
Janiw urïxtati
Munsta ukax tukuyxma
¡Akham suma jikisitasan sawup ch’iyjam!

¡Ay quña nakharata!
¡Ay waxt’at usuchjata!
¡Ay quña ampara! ¡Ay k’achhat llamkt’ata,
wiñay jakañjam q’aphiri,
taqi mans phuqhiri;
jiwayasa, jiwañx jakañaptayawaytawa!

¡Ay nina kinkiyanaka,
qhanapan
amuyun manqha p’iyanakapax,
ch’amakak juykhuk jikxatasïna,
mayja jiwa kankañampiw
muniripamp chikt’at junt’uptayapxi, qhant’apxi kuna!

¡Qawqhs jan p’arichasis munasiñamp
naya manqhan amtayista,
ukanw imantat sapak jaktaxa,
suma samsutamansti
aski kankañamp wali yäqayasitampiw phuqhantata,
qawqhs k’achhat munayasista!