IBEALULU AN SABED

Bede ibealulu an sabed soggu
Yēr wilubba dutūgwa
An burba e gwāsega bede an nagbonai an itosuliwaliye
Ar bato bede gwilli gwilli an sasursoggu
Deg anmarde mor anmar na dukin daggedgine
Esirmaggeyola daglearsundo obeloega

Doggus nued itoledo be eskaryaba sinni mellesīd!
Ōči angardi nodo!
Be argan dutugwayob an itoge! Be an ebudele
Gana bosumba negase ande agnakwialiyob
Ande itoardaeye,
Ibu ande emargi gasa gudidibeye
Gwable ilemaggar bennūs naddado
Ar bede burgwed oiblossoggu,
Aka ega oduledga bede obinyemaiye

Sō gwallu dū bela bela gasīd,
Bede buba yā olloled yabali
Neg siid dala sate sīdgine
E burba nued nuggine
neg uerreged gwallu bogwa na be abesīdgala na bede daggeyolaye

Bede osidikid an sabesoggua
An uluyalabali bede dukuakwa maiye
Bede bela bela an abemosoggu
Nuekwagwa bedi angi maisundo
Al bede bela bela an abemogad!