Maitasun gar bizia

Oi maitasun gar bizi
gozo zauritzen duzu
nire arimaren gune-gunea!
Ez zara jada muzin
amaitu, nahi baduzu,
hautsi bidaune gozo honen sarea!

Oi atxiloaldi inozoa!
Oi dohako eratzi!
Oi esku bigun! Oi ukitu ezti
betiraun gustukoa,
zor guztiez garbi,
akaboaz bihurtuz herioa bizi!

Oi suzko argiontzi,
zure dizdizaretan
sentzuaren leize-zulo sakonak,
ilun eta nahasi,
ardura bitxietan
bero ta argi, maitearen ondoan!

Zein mantso ta maitakor
nire baitan oroitza,
bertan duzu bizileku sekretu,
arnas gustu oneko,
onez bete ta aintzaz,
zein samurki nauzu enamoratu!