JUAYHU RATA OIKOVÉVA

Juayhu rata oikovéva
ha oikutu asýva
ñane ánga rugua pe imbytetépe!
Nanderesaitevéima
ha remohu'ãséramo,
ko jejuhu re'ẽ asy eikytĩ!

Jehapy vevuimi!
Jai oñem'ẽ reíva!
Po hu'ũetéva! Jepoko sỹimi
jeiko opave'ỹvaicha
ha opa mba'e omboepýva;
reguerova jeikópe rejukávo!

Tata rendyeta
pende resapekuépe
temiandu itakua ipypukúva
iñypytũ va'ekue
porã jepigua'ỹvape
ombyaku ohesape upe ohayhúva!

Py'a marangatu
che pyti'a mbytépe
reiko ñemi neaño, nemandu'a
ha nde pytu he'ẽme
chovi mba'e porãgui,
posỹi asy chemoakãrakúva!