MAITASUN GAR BIZIA

Jainko-maitasunezko harreman barru-barrukoetan den arimaren kantuak. Egile berarenak.

1. Oi maite-gar bizia,
eztiki jo ohi duzuna
nire ariman sakonen den partean!
Ez baitzara aurkako ja,
nahi baduzu urra ehuna,
elkar gaitezen halako batean!


2. Oi sugar guztiz leuna!
Oi zauri atsegina!
Oi esku bigun! Oi ukitu fina,
zeru zaporeduna,
zor guztien ordaina!
Heriotza bizitzaz truke egina.


3. Oi lanpara suzkoak,
beren argi-printzetan
sentimenaren harpeen hondoan,
lehen ilun osozkoak,
harritzeko antzeetan
bero-argia, Maitearen ondoan!


4. Zein leun eta maiteki
zuk hola iratzarririk
nire barnean, non etxea duzun,
(e)ta hats hartzean emeki,
on eta aintzaz beterik,
zein eztiki zuk maitemintzen nauzun!