CANTIGA CCCXVIII

Como Santa Maria sse vingou do crerigo que furtou a prata da cruz.

Quen a Deus e a ssa Madre escarn[n]o fazer quiser,
muito será gran dereito se ll' ende pois mal ver.

E desto, se m' ascuitardes, vos direi, per com' oý,
un miragre mui fremoso, e creo que foi assi;
que fez a que do lin[n]age deceu do bon Rei Davi,
e tal miragre com' este de contar é u xe quer.
Quen a Deus e a ssa Madre escarnno fazer quiser,
muito será gran dereito se ll' ende pois mal ver.

En Fita conteceu esto, en ha vila que jaz
eno reino de Toledo, e é logar fort' assaz,
ena eigreja da Madre de Deus, a que muito praz
con nosso ben e acorre nos cada u é mester.
Quen a Deus e a ssa Madre escarnno fazer quiser,
muito será gran dereito se ll' ende pois mal ver.

Ali un crerig' avia de missa, que devoçon
inostrav' acá aa gente, mais non era assi, non;
e bõa paravl' avia, mas dentro no coraçon
en com' era de mal cho vos direi, se vos prouguer.
Quen a Deus e a ssa Madre escarnno fazer quiser,
muito será gran dereito se ll' ende pois mal ver.

Este cada que podia mui de grad' ya furtar;
e furtou na sa eigreja, per com' eu oý contar,
ha cruz grande coberta de prata e esfolar
a foi toda, e a prata deu a ha sa moller.
Quen a Deus e a ssa Madre escarnno fazer quiser,
muito será gran dereito se ll' ende pois mal ver.

Outro di' aa eigreja foi, como soya yr,
e mostrou a cruz a todos chorando, e enfengir
se foi que ren non sabia daquel feit' e a mentir
se fillou, dizendo muito: «Om' ou moller que souber
Quen a Deus e a ssa Madre escarnno fazer quiser,
muito será gran dereito se ll' ende pois mal ver.

De como foi este feito e o non diz, dé-lle Deus
compridamente sa yra, e perça lume dos seus
ollos». E diss': «Ai, beita Virgen, dos miragres teus
mostra sobre quen tal feito fez; e o que non disser
Quen a Deus e a ssa Madre escarnno fazer quiser,
muito será gran dereito se ll' ende pois mal ver.

«Pater nostro» por aquesto, Deus lo cofonda poren».
E poi-lo todos disseron, a que o mundo manten
o cegou d'ambo-los ollos que deles sol non viu ren,
nen ar valer non lle pode fisica de Monpisler.
Quen a Deus e a ssa Madre escarnno fazer quiser,
muito será gran dereito se ll' ende pois mal ver.

E outra lijon mui forte sen esto lle conteceu:
que se lle fez atan grande o nariz, que lle deceu
sobre la boca, e d'ambas partes tanto s'estendeu
que chegou aas orellas. E quen verdade quiser
Quen a Deus e a ssa Madre escarnno fazer quiser,
muito será gran dereito se ll' ende pois mal ver.

Dizer: per ren non podia pouco nen muito comer,
se ant' aquel nariz todo non ll' alçassen, nen bever;
e mil vezes eno dia desejava de morrer.
Poren tenno por mui louco quen desto graças non der
Quen a Deus e a ssa Madre escarnno fazer quiser,
muito será gran dereito se ll' ende pois mal ver.

Aa Virgen grorosa, Reynna esperital,
que non quis matar aqueste, mas pose-lle tal sinal
por que quantos lo pois vissen leixassen de fazer mal;
e dereit' é que tal aja quena en pouco tever.
Quen a Deus e a ssa Madre escarnno fazer quiser,
muito será gran dereito se ll' ende pois mal ver.