CANTIGA CCXLIX

Como un maestre que lavrava na eigreja que chaman Santa Maria d' Almaçan, en Castroxeriz, caeu de cima en fondo, e guardó-o Santa Maria que sse non feriu.

Aquel que de voontade Santa Maria servir,
d' ocajon será guardado e d' outro mal, sen mentir.

E de tal razon com' esta un miragre vos direi
que en Castroxeriz fezo a Madre do alto Rey,
a Virgen Santa Maria, per com' eu aprix e sei;
e por Deus, meted' y mentes e querede-o oyr.
Aquel que de voontade Santa Maria servir,
d' ocajon será guardado e d' outro mal, sen mentir.

Quand' a ygreja fazian a que chaman d' Almaçan,
que é en cabo da vila, muitos maestres de pran
yan y lavrar por algo que lles davan, como dan
aos que tal obra fazen. Mas un deles ren pedir
Aquel que de voontade Santa Maria servir,
d' ocajon será guardado e d' outro mal, sen mentir.

Non queria, mas lavrava ali mui de coraçon
pora gaannar da Virgen mercee e gualardon.
E porend' or' ascoitade o que ll' avo enton,
e senpr' averedes ende que falar e departir.
Aquel que de voontade Santa Maria servir,
d' ocajon será guardado e d' outro mal, sen mentir.

El maestr' era de pedra, e lavrava ben assaz
e quadrava ben as pedras e põyas-as en az
eno ma[i]s alto da obra, como bon maestre faz.
E un dia fazend' esto foron-ll' os pees falir,
Aquel que de voontade Santa Maria servir,
d' ocajon será guardado e d' outro mal, sen mentir.

E caeu ben do mais alto; e en caendo chamou
a Virgen Santa Maria, que o mui toste livrou:
ca pero que da cabeça sobelos cantos topou,
assi o guardou a Virgen que sol non se foi ferir,
Aquel que de voontade Santa Maria servir,
d' ocajon será guardado e d' outro mal, sen mentir.

Nen sentiu sol se caera nen recebeu en neun mal;
ante ss' ergeu mui correndo, que non tev' ollo por al,
mas foi ao altar logo da Virgen espirital
por loar a ssa mercee e os seus bes gracir.
Aquel que de voontade Santa Maria servir,
d' ocajon será guardado e d' outro mal, sen mentir.

E quantos ali estavan deron loores poren
aa Virgen groriosa, que aos seus val e manten.
E porende lle roguemos que senpr' ajamos seu ben
e nos gaann' o de seu Fillo, que nos vo remiir.
Aquel que de voontade Santa Maria servir,
d' ocajon será guardado e d' outro mal, sen mentir.