CANTIGA CLXII

Como Santa Maria fez a sa omagen que mudaran dun altar a outro que se tornass' a seu logar onde a tolleran.

A sas figuras muit' onrrar
devemos da Virgen sen par.

Ca en onrra-las dereit' é
e en lles avermos gran devoçon,
non ja por elas, a la fe,
mas pola figura da en que son;
e sol non devemos provar
de as trager mal nen viltar.
A sas figuras muit' onrrar
devemos da Virgen sen par.

E daquesto vos contarey
ora un mui gran miragre que fez
en Canete, per com' achey
en verdad', esta Sennor de gran prez
da omagen que comprar
foi un cavaleir' e y dar
A sas figuras muit' onrrar
devemos da Virgen sen par.

Na ssa eigreja, que está
fora da vila cabo do portal,
en que grandes vertudes á
que faz esta Sennor espirital.
Porend' os gollos ficar
foi e pose-a no mayor altar,
A sas figuras muit' onrrar
devemos da Virgen sen par.

U esteve gran temp' assi;
e Deus por ela miragres mostrou,
ta que un bispo vo y
de Conca, que a toller en mandou
e põe-l'en outro logar,
porque a non viu de bon semellar.
A sas figuras muit' onrrar
devemos da Virgen sen par.

Ao crerigo capelan
mandou o bispo aquesto fazer,
e ele logo manaman
foi a omagen do altar toller;
mas en outro dia achar
a foi u x' ante soya estar.
A sas figuras muit' onrrar
devemos da Virgen sen par.

Quando o crerig' esto vyu,
cuidou a pran que o fezer' alguen,
e por aquesto comediu
que a omagen tornasse poren
u ll' o bispo fora mandar
e a eigreja fosse ben serrar.
A sas figuras muit' onrrar
devemos da Virgen sen par.

E ar fez come sabedor
e levou a chave; e pela luz
tornou y, quando o alvor
parecia, e achou ant' a cruz
a omagen, e amostrar
a foi a quantos ss' i foran juntar
A sas figuras muit' onrrar
devemos da Virgen sen par.

Enton polas missas oyr.
E todos deron loor end' a Deus
e a ela, que sen falir
mostra ali grandes miragres seus,
por que a ven aorar
muitas gentes e do seu ofertar.
A sas figuras muit' onrrar
devemos da Virgen sen par.