CANTIGA CXXXI

Esta é como Santa Maria guardou o Emperador de Costantinobre que non morresse so ha pena que caeu sobr' ele, e morreron todos-los outros que con ele eran.

En tamanna coita non pode seer
om' a que a Virgen non poss' acorrer.

E dest' un miragre, de que gran sabor
averedes, direi que fez a Sennor,
a Madre de Deus, por un emperador;
e eno oyrdes fillad' y lezer.
En tamanna coita non pode seer
om' a que a Virgen non poss' acorrer.

Est' emperador nom' avi' Aleixi,
de Costantinobre, per com' aprendi,
e ssa moller Jordana, segund' oý,
ond', era ben casad' e [a] seu prazer.
En tamanna coita non pode seer
om' a que a Virgen non poss' acorrer.

Bon crischão era el e de bon sen,
ela a Virgen amava mais d'al ren;
por esto fez a ambos Deus [a]tal ben
qual vos quer' eu ora contar e dizer.
En tamanna coita non pode seer
om' a que a Virgen non poss' acorrer.

Ond' avo assi un dia, sen al,
que o Emperador foi veer metal
das sas mineiras ben dentr' en un val
en covas mui grandes, de que grand' aver
En tamanna coita non pode seer
om' a que a Virgen non poss' acorrer.

Tiravan de prata en aquel logar.
E o Emperador foi log' y entrar,
e a cova logo per meo quebrar
se foi atan teost' e leixou-sse caer.
En tamanna coita non pode seer
om' a que a Virgen non poss' acorrer.

E quantos dentr' eran todo-los matou
senon el senlleiro que viv' escapou
so ha gran pena que o enserrou;
mas cuidou sen falla log' y a morrer.
En tamanna coita non pode seer
om' a que a Virgen non poss' acorrer.

Mais la santa dona, sa moller, que fez?
Con gran doo foi ant' a Sennor de prez,
[a] Madre de Deus, e sempre dessa vez
cada dia foi y oraçon fazer,
En tamanna coita non pode seer
om' a que a Virgen non poss' acorrer.

Que a alma del ouvesse salvaçon.
E muitas missas fez cantar des enton
ben ata un ano e dar offreçon,
e aquesto era todo seu querer.
En tamanna coita non pode seer
om' a que a Virgen non poss' acorrer.

E daquest' avo, per quant' aprix eu,
que en tod' ess' ano a comer lle deu
ao Emperador a Madre do seu
Sennor Jhesu-Cristo per seu gran poder.
En tamanna coita non pode seer
om' a que a Virgen non poss' acorrer.

E angeos muitos fazia vir
a estar con el e sse del non partir
polo conortar e o fazer dormir
e daquela coita o medo perder.
En tamanna coita non pode seer
om' a que a Virgen non poss' acorrer.

E dizia-ll' assi: «Esto que ti fiz;
e que te faz' ora, a Emperadriz,
ta moller, mio roga, a bõa fiiz,
a que o tu deves muito gradecer.
En tamanna coita non pode seer
om' a que a Virgen non poss' acorrer.

Porque en meu Fillo fias, o gran Rey,
non quix que morresses, e ar guardar-t-ei
enquant' aqui fores, e pois sacar-t-ey
daqui, e desto non ajas que temer».
En tamanna coita non pode seer
om' a que a Virgen non poss' acorrer.

Des que desta guisa seu ano conpriu,
de noit' en vison o Patriarca viu
a Santa Maria, que lle descobriu
tod' aquest[o] e fez[e]-llo entender.
En tamanna coita non pode seer
om' a que a Virgen non poss' acorrer.

O Patriarcha foi outro di' alá
e à Emperadriz, a que nunca ja
tal prazer oyra, e come quen á
gran prazer do feito, fez-lo parecer.
En tamanna coita non pode seer
om' a que a Virgen non poss' acorrer.

Dentro ena cova gran gente meteu
e tirou a terr' e a pena fendeu;
e pois lles el dentro viv' apareceu,
tirárono ende sen sse deter.
En tamanna coita non pode seer
om' a que a Virgen non poss' acorrer.

E quando o viron, deron end' a Deus
graças e loores, chorando dos seus
ollos muito todos, dizendo: «Os teus
servos nunca poden mui gran [mal] prender».
En tamanna coita non pode seer
om' a que a Virgen non poss' acorrer.

E ele lles contou que por ssa moller
lle dera a Virgen quanto lle mester
fora: «E porende, se vos [a]prouguer»,
diss' el, «id' a ela graças en render».
En tamanna coita non pode seer
om' a que a Virgen non poss' acorrer.

E eles o fezeron, pois todos en az
deron aa Virgen loores assaz
por este miragr' e por outros que faz
grandes e fremosos pera retraer.
En tamanna coita non pode seer
om' a que a Virgen non poss' acorrer.